# सहजोक्त

#सहजोक्त.

केव्हाचा कोसळतोय संतत धारा पाऊस
चिंब भिजण्याची चराचराला हौस॥

अशाच पावसाची धरणीला आस होती
जलधारांची  तिच्यावर अखंड  वृष्टी  होती ॥

तापलेल्या मृण्मयीला  गरज होती अोलाव्याची
नको आता कृपणता ,बरसात कर ना मायेची ॥

तुझ्या वर्षावाने होईल हिरवीगार वसुंधरा
नवसर्जनशाली ठरेल सस्यश्यामल हि धरा ॥

बरस रे अवनीवर , मेघराजा बिनघोर मनापासून
कृतार्थ तुझेही जीवन होईल बघ या समर्पणातून  ॥

©डॉ.प्रज्ञा देशपांडे
नागपूर