#सहजोक्त

#सहजोक्त.


मनाच्या गाभा-यात प्रसन्न घुमणारा
आर्त सादेला उत्कट प्रतिसाद देणारा ॥


तुझा आवाज खोल हृदयात शिरणारा
कानातून पार अंतरंगात झिरपणारा ॥

मनाला मोरपिसी हळुवार उमलवणारा
आतून मुलायम नि शांत सुखावणारा ॥

सैरभैर वादळातही चित्त स्थिरावणारा
काहीसा  गूढ ,गंभीर नि अोढाळणारा ॥

दिवसभर हाकेच्या टप्प्यात जाणवणारा
तरीही सुदूर आसमंतापल्याड असणारा ॥

काळजातून सदा काळजी घेणारा
तरी कायमच अपरिचित वाटणारा ...॥

थंड,संथ ,स्नेहाळ नि हळवा जरासा
तुझाच आवाज आश्वासक हवाहवासा...॥

©डॉ. प्रज्ञा देशपांडे.
नागपूर