कविता

#पाहूनि गवतफुलास .

निसर्गात अनेक रंगीबेरंगी  फुले आहेत.
आकार-प्रकारांनी ते किती श्रेष्ठ आहेत.
सुगंधाची पण दुनिया किती न्यारी आहे
आकार्षित करण्याची लकब प्यारी आहे ॥

कोणी शोभे ललनेच्या भाळी
आरास  करून मंदिरास मढवी
 कुणी शोभिवंत गृहास सजवी
 कुणी मानवी लोचनांस निववी  ॥

गवताचे हे फुल सानुले
तुलनेने तर गरीब बिचारे
उपवनास अनुपयोगी ते
जातिवंत ही नसे गोजिरे॥

तरी शिवाच्या मस्तकी राजे
वनकन्येच्या कायी विराजे
गिरिशिखरांची शोभा साजे
गवतकुलाचा महिमा गाजे ॥
©डॉ. प्रज्ञा देशपांडे.