#माझ्यावर मी खुश आहे .......
सगळं मनासारखं होईना कां जरी
लयीत सारं असो वा नसो काही तरी
वेळ मिळो अथवा न मिळो त्यापरी
माझ्यावर मी मात्र खुश आहे भारी॥
आजवर अनेक पाहिले उन्हसावलीचे खेळ
समतोल साधत जमवलाय जगण्याचा मेळ
मनासारखं सगळंच नाही घडलं सारं
तरीही माझ्यावरच मी खुश आहे बरं ॥
तक्रार अनेक गोष्टींसाठी करता येईल
अनेक बाबींसाठी मनात झुरता येईल
खूप काम अजून करायचं आहे बाकी
आज तरी माझ्यावर खुशच आहे मी ॥
घडलं-बिघडलं ,तुटलं-फुटलं,मोजून काय होणार
झाल गेलं गंगेला मिळालं ,रडून काय साधणार
एकाच गाडीची चक्रे, प्रयत्न आणि दैव
माझ्यावरच खुश रहाणार आहे मी सदैव ॥
©डॉ. प्रज्ञा देशपांडे.
No comments:
Post a Comment