#सहजोक्त.

फुलं जरा वेडीच असतात.नाजूक तर इतकी असतात की सहज म्लान होतात ,सुकतात .
त्यांचं जीवनही किती क्षणिक असते.
पण जग जिंकण्याचा त्यांचा स्वभाव अचंबित करतो. आपल्या सुगंध-वर्णादी गुणांनी ते अक्षरशः डोक्यावर बसतात. कोमल देहात किती कणखरता जोपासतात ? बाहेरच्या विपरित वातावरणाला  न जुमानता बहरतातच स्वतःच्या अंतःप्रेरणेने. .
त्यांचा दुर्दम्य सकारात्मकता तर परिसीमा आहे जिजीविषेची ! क्षणभंगूरता असूनही अधिराज्य गाजवतात जिवंत मनांवर !!
किती देऊन जातात ना फुलं विश्वाला !!
©डॉ. प्रज्ञा देशपांडे.