सहजोक्त

#सहजोक्त ~संवादकाव्य.

कोणी तरी विचारले ,,"  आवडती  भाषा       कोणती ?"
मी म्हटले,"संवादाची ,मनाला मनातून जोडणारी ,
एकदा "आपली"म्हटले की सर्वार्थाने स्वीकारणारी".

पुन्हा कोणी तरी म्हटले ,"प्रमाण की बोली ?"
उत्तरले मी ,"तारतम्याचे प्रमाण मानून हृदयाची बोली.".

"शुद्धतेचे काय ?" पुन्हा गहन प्रश्न !
"शब्दांच्या पलीकडले भाव आकळणारे मन हवे रे शुद्ध !!"

"मग काय ,व्याकरणाचे  नकोच बंधन ?"
"अरे बंध जपा मानवीनात्यांचे .तुझा-माझा संवाद नव्हे शर्यतीचे मैदान !"

"मग नेमकी आवडते कोणती भाषा ?"
"ये हृदयीचे ते ह्रदयी करीत चराचराला पसायदान देणारी माऊलीची वात्सल्यभाषा !"

©डॉ. प्रज्ञा देशपांडे
नागपूर.