सहजोक्त

#सहजोक्त

जेव्हा खुप घाई असते
तेव्हाच नेमके पाहूणे येतात.

जेव्हा गाढ झोप लागते
तेव्हाच नेमका फोन वाजतो

जेव्हा नेमकी कामं असतात
तेव्हाच हमखास कोणी टपकते.

जेव्हा परीक्षेची वेळ असते
तेव्हाच आयपिएल् मॅच असते

जेव्हा विचारात गर्क असतो
तेव्हाच दारावर कर्कश घंटी वाजते.

जेव्हा सगळे हवे असतात
तेव्हा नेमकं आपण एकटे असतो

जेव्हा पूर्ण कोशात जायचं असतं
तेव्हाच कोणाला तरी महत्त्वाचं काम आठवतं .

जेव्हा जे हवं असतं तेव्हा ते का मिळत नाही?
किंवा जेव्हा ते मिळत नसतं तेव्हाच ते कां हवसं वाटते?

@डॉ. प्रज्ञा देशपांडे
नागपूर