सहजोक्त.

देवा तुझा रे लहरी ,

 खेळ उन्ह-पावसाचा 

शेतक-याच्या मनात 

पिंगा आशा-निराशेचा ॥१॥

धोका देण्याचे कसब 

शिकविले मानवाने 

गुरुनिसर्गाला जणु

 केले बाधित संसर्गाने ॥२॥

सत्ता गाजवण्याची हाव,

कशाला तू बाळगतो?

यादवी मानवातील 

कां निसर्गात घडवीतो ॥३॥ 

मानवाचे कोतेपण

 स्वार्थी सुखाची तहान ।
अंगीकारोनी  कशास 

 करी स्वतःला लहान ?॥૪॥
बापा निसर्गा नको रे 

वागू मानवासारखा ।
माणुसकीच्या सद्गुणाला

 नको होऊ तू पारखा ॥५॥
©डॉ. प्रज्ञा देशपांडे